Байланысшылар сайты

Қалдық суларды өңдейтін жаңа қондырғы орнатылды - Жетісу жаңалықтары

Madi_kasp — Sat, 13 Sep 2014 09:13:39 GMT

«Жетісу су құбыры» мемлекеттік коммуналдық кәсіпорны кәріз жүйелерінен жиналған суды тазартатын заманауи жаңа қондырғылар орнатты. Сала мамандарының айтуынша, атылмыш құрал-жабдықтар суды тазартудың оңтайлы технологияларын қолдануға және апатты жағдайлардың алдын алуға зор мүмкіндік беріп отыр. Сондай-ақ, жаңа жабдықтар оттектік режимді, құм сүзгіштер мен тұндырғыштардың тұнба деңгейін ұстап тұруға және қабылданған су мен тазартылған судың химиялық сараптамаларын алуға мүмкіндік береді.

Тұрмыстық жағдайда қолданылған су бірнеше кезеңді тазалаудан өтіп, Қаратал өзеніне құйылады. Шет елдік заманауи жабдықтарды алуға жергілікті бюджеттен қомақты қаржы бөлінген.

БАҚЫТ АСУБАЕВА «ЖЕТІСУ СУ ҚҰБЫРЫ» МКҚК ЗЕРТХАНА МЕҢГЕРУШІСІ

Ақпарат оператор пультіне келіп түседі,зертхана меңгерушісіне келіп түседі. Бұл процессті басқаруды жедел қолға алуға және дереу шешім қабылдауға мүмкіндік береді.

Отжимание несімен жақсы? Отжиманиенің ерекшеліктері!

Madi_kasp — Sat, 13 Sep 2014 05:54:06 GMT

1. Бұлшық ет күші: Мүмкін, сіз сөзсіз , әрине, оджимание онсыз да бұлшық ет күшін көбейтеді ғой дерсіз. Сіз отжимание жасай отырып, абсолютті күшті боласыз, себебі жерден қолмен көтеріле отырып, сіз бүкіл денеңіздің бұлшық еттерін қозғалысқа түсіресіз. Мен отжимание жасау оңай ғой деген адамдарға жиі күлгенмін, бірақ ешқайсысы отжимание жасауды ұнатпайды. Егер бұл «жаттығу» соншалықты оңай болса, неліктен жұмыс күнінің соңында 40 не 50 рет жоғары-төмен отжимание жасай салмайды? Отжиманиені анағұрлым күрделі қылып жасаудың бірнеше тәсілдері бар. Ауырлық күшінің орынын ауыстырса жеткілікті. Отжимание – күшті арттырудың қарапайым ең жақсы жаттығуы. Сіз әлі күнге дейін отжимание несімен жақсы деп сұрақ қоюдасыз ба?

2. Көңіл-күйіңіздің көтерілуі:

отжимание жүрек-қан тамырларыңызды және бұлшық ет жүйеңіз үшін жақсы стимулятор болып табылады. Егер сіз жақсы қалыпты жағдайда 10-нан 20 отжиманиеге дейін жасайтын болсаңыз, онда денеңізде не болатынын білесіз. Жүректің жиырылу жиілігі артады және бұлшық еттеріңіз қанға толады. Кез келген жағдай болсын, сіз жалпы көңіл-күйіңіздің айтарлықтай жақсарғанын байқайсыз. Бұл сондай-ақ денеңіздегі артық майдан арылуға көмек береді! Сіз әлі де отжиманиенің несімен ерекше жаттығу екенін түсінбей тұрмысыз?

3. Отжимание пресс қатайтуға қарағанда жақсы:

мен мұны отжиманиенің ерекшелігінің үшінші себебіне жатқыздым: Көптеген спортпен айналысып жүрген адамдар күшті, жылдам болуға және «тартымды көрінуге» тырысады. Егер де сіз тартымды көрінгім келеді десеңіз, отжимание торс үшін де, пресс үшін де тамаша жаттығу болып табылады! Бұл шын мәнінде де солай! Сіз отжимание жаттығуын орындаған кезде көптеген бұлшық еттерге күш түседі, соның ішінде пресске де . Егер сіз отжиманиені дұрыс жасасаңыз, денеңіз тіке және қатты болуы керек. Бұл қаттылық омыртаның тұрақтылығы мен іштегі бұлшық еттерінің орта бөліктерімен, жанама, бүйір іш бұлшық еттерімен, жамбас бұлшық еттерімен тікелей байланысты. Бұл сіздің негізгі мускулдарыңыз, бұлшық еттеріңіз. Отжимание несімен жақсы – бір жаттығу бірнеше бұлшық еттерге арналған жаттығу.

Егер сіз үшін отжимание несімен жақсы екендігі қызық болса, мен сіз үшін 3 себебін таптым. Есіңізге сақтаңыз, әрбір адам жаттыға алады, бірақ тек ең жақсылары ғана ақылмен жаттығады!

Қаспан ауылы

Madi_kasp — Tue, 10 Sep 2013 17:51:57 GMT

Қаспан - Алматы облысы Кербұлақ ауданындағы ауыл, өзімен аттас ауылдық әкімшілік округ орталығы. Аудан орталығы — Сарыөзек кентінен солтүстік-шығысқа қарай 40 км жерде, Быжы өзенінің жағалауында, Шаған тауының оңтүстік баурайында, жусан, ши аралас бетеге, боз, селеу басым өскен қоңыр, қызғылт қоңыр топырақты тау алдының жонды-белесті келген қуаң жазығында орналасқан. Тұрғыны 0,8 мың адам (2002). 1934-97 ж. сүт өндіретін Ленин кеңшарының орталығы болды. Оның негізінде 1997 ж. Қаспанда және округке қарасты Көксай, Сайлыкөл, Шаған, Мұса ауылында өндірістік кооператив және 13 шаруа қожалығы құрылды. 1 орта мектеп, 1 орталау және 3 бастауыш мектеп, дәрігерлік амбулатория, 4 фельдшер-акушерлік пункт, мәдениет үйі, кітапхана, т.б. мекемелер бар. Тұрғындары басқа елді мекендермен автомобиль жолы арқылы катынасады. 2011 жылдың көктемінен 2011 жылдың қыркүйегіне дейін автомобиль жолы жөнделінді.

Nokia-ның ел білетін телефондары

Madi_kasp — Tue, 10 Sep 2013 17:43:05 GMT

Microsoft компаниясы ұялы телефон жасап шығарумен айналысқан алғашқы компаниялардың бірі Nokia-ның мобильді бизнесін сатып алғалы жатқанын мәлімдеді. Дей тұрғанмен, Nokia компания ретінде жоғалып кетпейді, бірақ өз бетінше ұялы телефон жасаумен бұдан былай айналыспайтын болады. Осыған байланысты фин компаниясы шығарған аты аңызға айналған телефондарды еске түсірсек.

1987 жыл. Nokia Mobira Cityman

Қолға сыятын алғашқы «кірпіштердің» бірі.

1993 жыл. Nokia 1011

Әлемде жаппай сатылған ең бірінші GSM стандартты телефон. Сонымен қатар, SMS қабылдай алатын тұңғыш телефон болған.

1998 жыл. Nokia 5110

Кіріктірілген ойыны бар (жылан) алғашқы телефондардың бірі болды.

1999 жыл. Nokia 3210

Тарихтағы ең танымал ұялы телефондардың бірі – мұндай телефондардың 160 миллионға жуық данасы сатылған. Ерекшелігі: телефон панелін ауыстыру мүмкіндігі.

2000 жыл. Nokia 3310

Осы бір танымал телефонның «жойылып кетпейтіндігіне» байланысты интернетте көптеген әзіл-қалжыңдар жарияланды.

2001 жыл. Nokia 5510

Бұл аппараттың басты ерекшелігі ретінде ән жазуға болатын 64 мегабайттық флеш-жадын айтуға болады.

2002 жыл. Nokia 6800

Бұл телефон мәтіндік хаттармен, соның ішінде электронды поштамен жұмыс істеуге арналған құрылғы ретінде шығарылды. Ол пішінімен ерекшеленді – сандық пернетақта артқа шалқайған кезде QWERTY-пернетақта ашылатын.

2003 жыл. Nokia 6108

Бұл құрылғы стилуспен жабдықталды. «Стилустік» енгізуге арналған экран артқа шалқаятын пернетақта артында жасырын тұрды.

2004 жыл. Nokia 3230

PoC қызметімен жабдықталған бірінші телефондардың бірі болды: ұялы телефон операторының қолдауымен ол рация секілді жұмыс істейтін болған. Яғни қолданушы керекті абонентпен сөйлесер кезде батырманы басып, ал жауапты тыңдау үшін батырманы жіберетін еді.

2004 жыл. Nokia 6620

Бұл телефон интернеттен видео көруге мүмкіндік берген алғашқы құрылғылардың бірі.

2004 жыл. Nokia 6260

Nokia 6260-тың камерасы оның қырында орналасты. Оны қолдану ыңғайлы болуы үшін ел аузында «книжка» аталған телефон экранын бұру керек болатын.

2005 жыл. Nokia 1100

Nokia 1100-дің жалпы 250 миллион данасы сатылған. Аталған модель тарихта ең көп сатылған телефон болып қана қоймай, сонымен қатар, ең көп сатылған электронды құрылғы атанған.

2005 жыл. Nokia 3250 XpressMusic

Nokia 3250 бірінші кезекте өзінің ерекше корпусымен есте қалды: телефонның төменгі бөлігі айналмалы болды. Ол телефоннан плеерге немесе камераға ауысуға мүмкіндік берді.

2005 жыл. Nokia 6280

Осы телефонның басты ерекшелігі слайдер және 2005 жылы үздік болған функционал болды: екі камера, жад картасы және 3G желісін қолдау.

2005 жыл. Nokia N70

Nokia-ның N-сериялы алғашқы смартфондарының бірі.

2006 жыл. Nokia 5300

Nokia 5300 телефоны Series 40 платформасында жұмыс істеді. Ол - телефон мен плеердің бір құрылғыға біріктірілген нұсқасы. Плеерді экранның сол жағында орналасқан батырмалардың көмегімен басқаруға болатын.

2007 жыл. Nokia 7900 Prism

Құрылғы сәнқойларға арналған 7XXX-тің классикалық өкілі болды. Мүмкіндіктері шектеулі болғанымен, үшбұрышты батырмаларымен бірден көзге түсетін.

2008 жыл. Nokia E63

Қымбат емес бизнес-смартфон нарықта BlackBerry құрылғыларымен бәсекелесті.

2008 жыл. Nokia N97

N97-нің фунциясына қарап айтар болсақ, суперқұрылғы болды, бірақ кейбір кемшіліктеріне байланысты - жадының жетіспеушілігі мен GPS-тің әлсіздігі қолданушылардың көңілінен шыға қоймады.

2008 жыл. Nokia 5800

Nokia-ның Айфонды қуып жетуінің алғашқы мүмкіндігі.

2009 жыл. Nokia X6

X6 Comes With Music бағдарламасына қатысты: құрылғыны сатып алушылар бір жыл бойы Nokia-ның интернет-дүкенінен әнді тегін жүктей алды.

2010 жыл. Nokia 1280

Сенсорлы смартфондардың өркендеу кезеңінде компания даму үстіндегі елдерге қарапайым құрылғыларды шығаруды жалғастыра берді.

2010 жыл. Nokia N8

Symbian^3 платформасындағы бірінші құрылғы және N97-де жіберген қателерді түзеу амалы. Алдын ала тапсырыс беру бойынша Nokia құрылғылары ішінде рекордшы атанды.

2013 жыл. Nokia Lumia 1020

2011 жылдан бастап Nokia-ның негізгі операциондық жүйесі - Windows Phone болды. Оның басқаруында болған құрылғылар Lumia атауын иеленді. Қазір Windows Phone танымалдылығы жағынан Android пен iOS-тан кейін үш орында тұр.

Дайындаған: Ерғали Елдос

Жарылқап Қалыбай “Скатты” сотқа бермек

Madi_kasp — Tue, 10 Sep 2013 17:40:49 GMT

"Скат” әуе компаниясының ұшақ бортында "бұзақылық жасағаны үшiн” әкiмшiлiк жазаға тартылып, уақытша қамау абақтасында үш күн отырып шыққан журналист Жарылқап Қалыбай "Скат” әуе компаниясын сотқа тартпақ. Бұл туралы оның адвокаты Абзал Құспан мәлiмдедi.

Қорғаушы Абзал Құспан "Тұтынушы туралы” заңның бұзылғанын айтады. "Бұл жерде қызмет көрсетушi мен тұтынушы арасындағы қарым-қатынас бұзылған. Әркiмнiң қызметтi қазақ тiлiнде көрсетудi талап етуге құқығы бар. Оны дәлелдеу қиын емес. Министр төрт бортсерiктiң нешесi қазақ тiлiн бiлмейдi, соны тексерсе жетiп жатыр” дейдi А.Құспан.

Адвокат қорғауындағы азамат артық кетiп, былапыт сөздердi айтқаны үшiн жазасын алды, ендiгi кезекте азаматтық тәртiпте әуе компаниясы қызметкерлерiнiң жауапкершiлiгi туралы мәселенi көтермекпiз дейдi.

"2013 жылдың шiлде айында қабылданған "Авиация туралы” заңда бортсерiктер кабина экипажының мүшелерiне жатқызылған. Ал кабина экипажының мүшелерi қазақ тiлiн еркiн меңгеруге мiндеттi” дейдi қорғаушы.

Адвокаттың өзi де Алматыға Астанадан "Скат” ұшағымен келген. Онда да қазақ тiлiнде қызмет көрсетiлмептi. "Мен Алматыға Ж.Қалыбайдың жеке басын қорғау үшiн келгенiм жоқ, бұл оның ғана мәселесi емес, бәрiмiздiң намысымызға тиетiн нәрсе. Ең бастысы, нәтиже шығарып, қазақ тiлiн қажеттiлiкке айналдыру” дейдi адвокат.

zhasalash.kz

Apple іс-шарасында не таныстырылады: 5 болжам

Madi_kasp — Tue, 10 Sep 2013 17:30:15 GMT

Бүгін, Астана уақымен сағат 23:00-де Apple компаниясының іс-шарасы өтеді. Аталған іс-шарада iPhone модельдерінің жаңа нұсқасы таныстырылады деп күтілуде. Соған байланысты жуырда жарыққа шығуы керек Apple өнімдері жайлы сөз қозғасақ.

Болжам өнімдер

iPhone 5S

Мамандардың бағалауынша, Apple конференция кезінде жетілдірілген iPhone 5S нұсқасын таныстыруы әбден мүмкін. iPhone 5S қолданушыны саусақ іздерінен танитын секілді бірнеше жаңа функциямен толығады деп күтілуде.

2012 жылдың шілде айында Apple AuthenTec компаниясын сатып алған болатын, ал бір жыл өткен соң US Patent & Trademark Office компанияның мобильді құрылғыларға саусақ іздерін айыратын технологияны қолдануға болмайтын патентті жариялады.

iPhone 5C

Apple өнімдерінің ішінде асыға күтілудегі жаңарту – компания үшін iPhone-ның бірінші арзан нұсқасы. Жаңа модель жайында белгілісі телефонның іші (мүмкіндіктері секілді) дәл сол күйі қалады – басты өзгеріс тек түрі мен бағасы ғана болмақ.

Мобильді нарық аналитигі Бенедикт Эванстың айтуынша, құрылғының бағасы шамамен 400 долларды құрайтын көрінеді.

iPhone 5C-тің корпусы жайлы видео

iOS 7

iOS7 операциондық жүйесі жайлы әлі күнге дейін белгісіз қалып отырған жалғыз нәрсе – оның барлық қолданушыларға қашан қолжетімді болатындығы. Бірақ ол бүгінгі іс-шарада таныстырылады деген болжам да бар (немесе аталған іс-шарадан бірнеше апта өткеннен соң). iOS 7 айтырлықтай өзгеріске ұшырағанымен, оның соңғы бета-нұсқасының шыққанына біршама уақыт болды, ал девелоперлік аккаунт иелері басқа жаңартуларды күтуде.

Үш ай ішінде iOS7-де не өзгерді

Күйге келтірудегі иконкалар ауысты
Экрандағы қоңырау белгілері домалақ болды
CONTROL CENTER-ді қосымшада болып-ақ өшіруге болады
IPHONE экранын қосу енді құрылғы түсіне бейімделеді
Хат экранында тек бірінші әңгімелесушінің аты ғана шығып тұрады.

iTunes Radio

Мобильді операциондық жүйенің ауқымды жаңартуларының бір бөлігі ретінде ITUNES RADIO болды. Аталған сервис iOS7-ге орнатулы болады, алайда компания оны десктоптық iTunes пен Apple TV-ге де енгізуді жоспарлап отыр.

Apple TV

APPLE TV айтырлықтай өзгеріске ұшырамайтын сыңайлы. Алайда мамандардың пайымдауынша, гаджет бағдарламалық қамсыздандыру жағынан жаңаратын секілді - iTunes Radio-ның дайындық үстіндегі релизінен бөлек, жаңа Apple TV-лерде басқа құрылғылардағы контентті көру мүмкіндігі болады, деп хабарлайды AllThingsD.

Трансляция

Презентация бүгін Астана уақытымен сағат 23:00-де басталады.

Деректер

- АҚШ-та презентациядан кейін келесі күні Apple жергілікті нарыққа қызығушылығын растау үшін Қытай іс-шара өткізеді. Мамандардың бағалауынша, қытайлық ірі провайдер China Mobile-мен келісімнің өзі американдық компанияның 32 миллионнан астам гаджет сатуына септігін тигізеді.

- Сыбыстарға сенер болсақ, модель атауындағы C-ның не China-ға не Colors-қа қатысы бар.

- Компания тарихында алғаш рет iPhone моделі алтын түсті нұсқада жарық көреді. Түс өзгерісі арзан құрылғыларды күтіп тұр - iPhone 5C ақ, сары, көк, алқызыл және жасыл түсті болады деп күтілуде.

Дайындаған: Ерғали Елдо

Өтірік жайлы таңғалдырарлық 9 дерек

Madi_kasp — Tue, 10 Sep 2013 17:26:33 GMT

Адамдар өтірікті көп айтады және жеңіл табыс көзіне ие болу үшін, кей жағдайда судан таза, сүттен аппақ болу үшін, кейде тіпті өзінің тапқырлығын көрсету, мақтанып қалу мақсатында бір-бірін алдап жатады. Қалай болғанда да, адамзат өтірікке белшесінен батып кетті әрі одан шығуға талпынар емес. Назарларыңызға өтірік сөз жайлы 10 таңқаларлық дерек ұсынамыз.

1. Көздің алдамайтыны рас па?

Адам өтірік айтқанда немесе бір нәрсе жасырып қалмақ болған кезде бетке тіке қарай алмайды және көз қарашықтары бір орында тұрмайды деген теріс ой бүкіл әлемде кеңінен таралған. Психологтардың сөзіне сенер болсақ, бұл барып тұрған өтірік екен. Мамандар біреулер шындық айтса, екіншілері өтірік айтқан, бірақ, кейде екеуі де көздерін жылдам тайдырғаны байқалатын экспериментті зерттеп шыққан. Нәтижесінде өтірікшілер шыншыл қатысушыларға қарағанда, көздерін азырақ тайдырған болып шықты. Сондықтан адамның көзіне қарап, оның не өтірік, не шындықты айтып тұрғанын анықтау мүмкін емес.

2. Өтірік айту детекторы өтірік айтады

Кейбір соттарда адамның өтірік айтып-айтпағанын анықтайтын детектордың мағлұматын дәлел ретінде қабылданатыны белгілі, алайда мұндай мәліметтердің толықтай нақтылығына сенім артуға болмайды. Жалпы, барлық өтірік айту детекторлары стресс пен үрей белгісін анықтауға негізделген, ал өтірікшілердің көбінде оның мүлдем болмауы да мүмкін – сондықтан өтірік айту детекторы арқылы алынған мәліметтерді ақиқат деп тануға болмайды.

Кейбір зерттеушілер өтірікті мидың магниттік-резонастық томографиясының мәліметі бойынша анықтайтын құрылғы жасап шығуға талпынуда, алайда мұндай әдістің тиімділігіне нақты дәлел әзірге жоқ. Қазір басқа принциптер бойынша жұмыс істейтін өтірік айту детекторларын жасап шығу эксперименттері жалғасуда.

Кейбір эксперимент барысында қызықтырарлық мағлұматтар алынған: ми қыртысына қысқа магниттік импульстердің көмегімен әсер ету арқылы адамды әдеттегіден көбірек өтірік айтуға мәжбүрлеуге болады.

3. Адамдар өздерін жиі алдайды

Алаяқтар мен өтірікшілерден көбіне айналадағылар зардап шегетінімен, мұндай адамдар елмен қоса, өздерін де алдауы әбден мүмкін.

2011 жылы өткізілген зерттеулерге сәйкес, егер адам алдау арқылы тест тапсырмаларының жауаптарын алып, жасанды түрде нәтижелерін жоғарылатқан болса, олар жауаптардың әділетсіз жолмен келгенін біле тұра, өз қабілеттерін асыра бағалауға бейім келеді екен. Қарапайым тілмен айтқанда, адам айналадағы адамдарды алдаған секілді, өзін де оңай алдайды.

4. Уақыт тапшылығы өтірік айтуға итермелейді

Психологтардың зерттеу жұмыстарына сәйкес, өтірік көбіне алдын ала жоспарланады екен: Өтіріктің зардаптарын ойлауға уақыт болмай, жылдам шешім қабылдау керек кезде көбісі өтірік айтады. Амстердам университетінің қызметкері, психолог Шауль Шалви оны былай түсіндіреді: «Адамдар жылдам әрекет етуге мәжбүр болғанда, олар этикалық және моральдық түсініктерді елеп-ескермей, жағдайдан мүмкіндігінше максималды пайда көруге бейім. Ал адам өзінің алдағы істері мен сөздерін жақсылап ақылға салғанда, ол өтірік айтпайды».

5. Әрбір адам күніне кем дегенде бір рет өтірік айтады

Адамдардың қаншалықты жиі өтірік айтатынын анықтау мақсатында американдық ғалымдар зерттеу жұмыстарын өткізіпті. Нәтижесінде тәжірибеге келген адамдардың көп бөлігі күніне 1-2 рет өтірік айтатындықтарын мойындаған.

6. Адамдар бір-бірін алдамаса, ортақ келісімге келмейді

Адам баласы жер бетіне енді келгенде өмір сүру оңай болмағаны белгілі және аман қалу үшін адамдар тайпаластарымен байланысу мен бірігудің түрлі жолдарын ойлап табуға мәжбүр болды.

Зерттеу жұмыстары авторларының айтуынша, өтіріктің бұған басты құрал болғаны ықтимал: «Тактикалық алдау немесе саналы түрде біреуді адастыру адамның қарақшы әрекеттері мен пиғылдары жайлы бұрмаланған көрініс беріп, өтірікшінің ынтымақтастық құруына мүмкіндік береді». Сондықтан егер адамдар бір-бірін алдамағанда, ешқашан ортақ келісімге келер алмас еді.

7. Екі жасар бөбектер әдейі алдауы мүмкін

Егер сіз бөбектердің ниеті әрдайым таза және өз өтіріктерін түсінбегендіктен өтірік алдайды деп ойласаңыз, онда қателескеніңіз: бала психологиясын зерттеу арқылы ғалымдар балалардың жорғалауды тоқтатқаннан кейін саналы түрде өтірік айтуды үйрене бастайтынын анықтады. Тіпті екі жасар балалардың өзі әке-шешесін алдауға қабілетті екен.

8. Саналы түрде алдау адамды ақылдырақ қылады

2005 жылы психологиялық зерттеу кезінде әрдайым өтірік айтатын адамдардың бастары істейтіні анықталды. Өзінің өтірік айтқанын білетін өтірікшілердің миында ақ заттек орташа есеппен 22-26 пайызға көбірек болады екен және білім мен интеллектке жауапты ми бөлігі мықтырақ келеді-міс.

Зерттеу жұмыстарының жетекшісі Ялинг Янг оны былай түсіндіреді: «Жиі әрі саналы түрде алдайтын адамдарда ми түрлі түсініктер мен образдарды өзара жақсы байланыстырады. Мұндай байланыстарға адам миындағы ақ заттек жауап береді».

Мәселен, кейбір адамдарға жұмысқа кешігіп келуінің себебін ойлап табу қиын, ал сүйегіне сіңіп қалған өтірікшілер еш қиналмай-ақ шындыққа жанасатын оқиғаларды ойлап таба салады. «Нейрон байланыстарының дамуы адамға бір оқиғадан екінші оқиғаға жылдам ауысуға және көптеген идеяларды ойлап табуға мүмкіндік береді», - дейді Янг.

9. «Шындық сарысуы» адамның өтірік айтуына кедергі бола алмайды

Көптеген фильмдер мен кітаптарда пентатол натрийі ретінде кездесетін «шындық сарысуы» шын мәнісінде адамдардың «ішкі дүниесін» ашуға себепші бола алмайды. Бұл препарат тек белгілі бір уақытқа ғана психикалық фильтрлерді алып тастайды. Соның салдарынан адам тоқтаусыз сөйлей береді. Ал сол адамның аузынан шыққан сөздердің бір бөлігі шын болуы мүмкін, бірақ қалғанына сенудің қажеті жоқ.

massaget.kz сайтынан

Геннадий Головкин: «Жаназамды» шығарғаны үшін Стивенс менен үлкен кешірім сұрады

Madi_kasp — Tue, 10 Sep 2013 17:24:08 GMT

Кәсіпқой бокстан WBA тұжырымының орта салмақ дәрежесіндегі әлем чемпионы Геннадий Головкин эксклюзивті сұхбат беріп, алдағы жоспарларымен бөлісті. Сондай-ақ Қазақстан жерінде жекпе-жек кешін өткізу туралы ойын жеткізіп, кезекті қарсыласы Кертис Стивенстің өзінен әбден кешірім сұрағанын да айтты. Түсінікті болу үшін айта кетейік, америкалық боксшы Стивенс. Головкиннің келесі қарсыласы. Екеуі 2 қараша күні Нью-Йоркте айқасады. Қарсыласына психологиялық қысым жасау үшін Кертис Стивенс жерлесіміздің бағытына аузына келген сөздерді айтып, тіпті бір жолы Генаның «жаназасын» шығарып жіберген болатын. Сол кезде достарын жинап алған Кертис арнайы табыт алдырып, онда «Бақұл бол! Ол жақсы адам болатын» деп жаздырыпты. Артынша «жаназада» түсірілген суреттерді көпшілікке ғаламтор арқылы таратып жіберді. Қарсыласының бұл қылығы Головкинге қалай әсер етті? Оны Генаның өзінен сұрап көрген едік.

– Кертистікі дұрыс емес. Адамға жаман әсер етеді. Маған ұнамады. Мұны Кертистің бетіне тікелей айттым, – деп бастады Гена әңгімесін, –Әлбетте, ол бәрін түсініп, менен ұзақ кешірім сұрады. Мұның барлығы бизнес екенін түсіндіргісі келіп, осы арқылы өз атын әмбеге танытудың ғана жолын іздестіріп жүргенін айтты. Осылайша тарихта қалғысы келеді екен. Елдің көз алдында жүргісі келетінін, мұның барлығы шоу-бизнестің бір бөлігі екенін жеткізгісі келді. Бұл да ақша табудың бір көзі осы екенін айтып ақталды.

– Кейбір жекпе-жектердің алдында боксшылар бір-бірін тұқыртып, намысына тиетін сөздер айтып, тіпті беттеріне түкіріп жатады. Жалпы, кәсіпқой бокстағы мұндай құбылыстарға көзқарасыңыз қалай?

– Мен мұның барлығы дұрыс емес деп ойлаймын. Дегенмен біздің жағдайымыз басқаша. Бұл жерде Стивенс маған психологиялық қысым көрсету үшін әлеуметтік желілерді пайдаланды. Бірақ жүзбе-жүз көріскенде ол маған үлкен құрмет көрсетіп, бәрін түсіндіруге тырысты. Кездесуіміз ешқандай да ерегісуге жеткен жоқ. Бәрі де жақсы өтті. Кертистің маған деген құрметін сонда көрдім. Егер ерегіске жеткенде, онда жекпе-жек те болмас еді.

– Ақпарат құралдары сіздің чемпиондық атағыңызды Алматы немесе Астана қаласында қорғау туралы жоспарлап жүргеніңізді жарыса жазып жатыр. Бұл тұрғыда қандай жұмыстар атқарылуда?

– Көптеген жанкүйерлерімнің қалауы бұл. Мен де соны күтіп жүрмін. Дегенмен бұған әлі ертерек шығар. Уақыты жеткенде көрерміз. Әлбетте, дәл қазір менің жұмыстарым өте қарбалас, түшкіруге уақытым жоқ демеймін, бірақ әзірге Қазақстанның абыройын шетелде асқақтатып жүргенім дұрыс болар. Жалпы, Қазақстанда мұндай елеулі оқиғаларды белгілі бір мейрам күндеріне орайластырғысы келіп жатады. Алайда бұл кезде менің қолым бос бола бермейтіні тағы бар. Дегенмен келесі жылы уақыт тауып, бір жекпе-жекті Қазақстанда өткізсем деген ойым бар.

– Гена, жалпы, қалай ойлайсыз, осы сіздің жеңістеріңіздің, сәтті карьераңыздың құпиясы неде?

– Өзім туралы айтқым келмейді. Бірақ, әйтеуір, өзіме өте сенімдімін. Ал жалпы, бокс деген кез келген адам айналысып, жеңіске жете беретін спорт түрі емес. Анығын айтқанда, спортта екінің бірінің жолы бола бермейді. Бәрі де тәрбиеге, қоршаған ортаңа байланысты. Кішкентайымнан алғыр спортшылардың арасында өсіп, бәріміз де чемпион болуға ұмтылдық. Олардың арасында боксшылар да, балуандар да, жеңіл атлеттер де болды. Бәріміз де әлемдік деңгейдегі спортшылар болуға тырысып, өз өмірімізді қолымызға алдық. Міне, сол атмосфера, сол орта мені осындай дәрежеге жеткізіп, мінезімді қалыптастырды. Сондай-ақ жақсылыққа ұмтылдырып, адамдыққа тәрбиелеген ата-анама, үлкен ағама алғысым шексіз.

– Геннадий, сіздің кәсібіңіз туралы қазақстандық жанкүйерлердің әлі де білмейтін тұстары бар ма?

– Біріншіден, мына нәрсені ұғынып алу қажет. Кәсіпқой бокстың әуесқой бокстан айырмашылығы өте зор. Әуесқой бокста биік деңгейге жеткен ТМД елдерінің көптеген өкілдерінің пікірлерін ақпарат құралдары арқылы оқып отырамын. Олардың бәрі де өздерін керемет сарапшы, керемет маман санайды. Қазір бокста өзін маман санау сәнге айналған секілді. Бірақ кәсіпқой бокстың мүлдем бөлек бағыт екенін түсініп алу керек қой. Ресейде де, Қазақстанда да кәсіпқой бокс деген жоқ. Бізде, тіпті кәсіпқой бокс деген ұғым да жоқ. Оны айтасыз, Еуропаның өзінде де кәсіпқой бокстың бағыттары Англия мен Германияда ғана аз-кем болса да дамыған. Шынтуайтына келгенде, кәсіпқой бокс деген – өте қатал шоу-бизнес. Бұл жерде мәселе ақша табуда. Мұнда қорқыныш дегенің екінші рөлде қалады. Бәрі де әділ жекпе-жек жайлы емес, сол жекпе-жектен ақша табу жағын ойлайды. Әйтеуір, неғұрлым молырақ пайдаға кенеліп қалу жағын қарастырып жатады. Мысалға, бір боксшыны шығарады да, оны маркетинг арқылы әлемге танытып, тұлға дәрежесіне жеткізеді. Сөйтіп, қарсылас таңдап, келіседі. Міне, кәсіпқой бокс дегенің – осы.

– Сұхбатымыздың соңында кәсіпқой бокста биік деңгейге жеткісі келген жастарға деген тілегіңізді естісек...

– Бүгінде Қазақстан – әлемдік бокстың көшбасшыларының бірі, бірақ әуесқой бокста. Өз жерімізде біз Олимпиада жеңімпаздары мен әлем чемпиондарын жақсы танимыз, құрметтейміз, атын асқақтатамыз. Алайда әлемдік аренада мүлдем басқаша. Олимпиада чемпиондарын білетіндер аз ғана. Бірақ бәрі де Мэнни Пакьяо, Флойд Мэйуэзер, Майк Тайсон, Мұхаммед Әли сынды боксшыларды жақсы біледі. Бұлардың әрқайсысы өз елін әмбеге танытып жүр. Осы тұрғыда жастарымызға мына нәрсені түсіндіріп өткім келеді. Әуесқой бокс пен кәсіпқой боксты дұрыс айыра біліңіздер. Еліміз керемет қарқынмен дамып жатыр. Кәсіпқой бокста да солай дамысақ деймін. Осы орайда Ресей және Украинаның қалыптастырып кеткен жолдарымен жүрмей, ТМД елдерінен ерекшеленіп, өз жолымызды таба білуіміз керек. Егер жастар кәсіпқой бокс пен әуесқой боксты дұрыс ажырата білсе, онда кәсіби деңгейде өз орындарын таба аларына сенімдімін.

– Сұхбатыңызға рақмет.

Р.S. Естеріңізге сала кетейік, Геннадий Головкин кәсіпқой бокстағы өзінің келесі жекпе-жегін 2 қараша күні Нью-Йорктың Madison Square Garden аренасында өткізеді. Қарсыласы – Кертис Стивенс.

Сұхбатты аударған: Әзиз Жұмаділ

massaget.kz сайтынан көшірілген.

Нуркену Халыкберген выплатили компенсацию и попросили не быть агрессивным в коммуникациях

Madi_kasp — Tue, 10 Sep 2013 17:22:06 GMT

10 сентября у экс-пиарщика Мобайл Телеком-Сервис» (с брендом TELE2) Нуркена Халыкберген состоялась встреча с председателем правления Tele2 Kazakhstan Пиетари Кивикко, по результатам которой бывшему работнику компании сообщили о том, что выплатят компенсацию по увольнению и на этом все ограничится. Об этом сообщает kursiv.kz.

«Никаких заявлений, извинений и публичных высказываний по поводу справедливости или несправедливости не будет. Компания не признала факт незаконного увольнения, мне не было высказано никаких извинений. Мне выплатили компенсацию, взамен попросили не быть агрессивным в коммуникациях. Так они закрывают свою ошибку в той части, что хотят купить мою лояльность. Размер компенсации стандартный, согласно закону РК», - сообщил kursiv.kz Н. Халыкберген.

По его словам, вчера у компании была иная позиция - уволить без каких-либо компенсаций.

«До этого момента отношения с руководство были абсолютно рабочие. Какого-то конфликта я не замечал. По крайней мере я не получал официальные уведомления или замечания о качестве своей работы», - добавил бывший PR-менеджер Tele2 Kazakhstan.

Как считает г-н Халыкберген, в данной ситуации идет расхождение между политикой компании и ее реальными шагами.

«Почему я поступил именно так? У нас есть документ «Кодекс этики и делового поведения», в котором четко сказано, что все сотрудники компании в независимости от занимаемой позиции должны сопротивляться всем видам коррупции и принимать меры по ее искоренению. К сожалению это осталось лишь декларацией. Мне до сих пор не объяснили причины моего увольнения. Просто сказано, что «так получилось». В официальных документах говорится, что компания придерживается принципов честной конкуренции, прозрачности и транспарентности. Если компания своими действиями прямо говорит рынку, что честные и порядочные сотрудники им не нужны, то это решение компании. Искать точки роста компании в коррупционных сделках неприемлемо для честной и для прозрачной компании», - сказал он корреспонденту kursiv.kz.

Сразу после появления информации об увольнении Н.Халыкбергена из Tele2 Kazakhstan Н.Халыкберген поступило несколько предложений о работе, передает kursiv.kz.

«Дальнейшие планы - я открыт для предложений. Следующие 1-2 недели я хочу посвятить семье. Я думаю, что не получу место в тех компаниях, которым не нужны принципиальные сотрудники. У меня есть 2 предложения от крупных компаний, которые я сейчас рассматриваю. Мне предлагают должность консультанта и советника по антикризисным коммуникациям и проверке готовности внутренних служб к кризисным коммуникациям. В этом у меня есть опыт. Первая компания - иностранная, холдинг по своей сути. Вторая - казахстанская компания. Честно говоря я склоняюсь к выбору казахстанской компании, в которой очень интересный стиль управления, они достаточно известны в сети. Получить от них предложение стать независимым консультантом и советником достаточно лестно для меня. Также я с радостью принял предложение стать одним из соорганизаторов проекта «Той Казан», - сказал Халыкберген.

Сайт жасау туралы кеңес

Madi_kasp — Tue, 10 Sep 2013 12:37:04 GMT

Сайт жасамас бұрын, олардың түрлерін тізіп шығайық:
1. Сайт-визитка;
4-5 парақтан тұратын қарапайым сайт.
Компания туралы, көрсететін қызметі, өнімдер каталогы, прайс, контакт ақпараты туралы парақтары бар. Тексттік, графикалық, видео мәліметтерден құрылуы мүмкін.
Әдетте, дерек базасымен байланыспайды.
Мысалы, uart.kz полиграфияның визиткалық сайты.
2. Корпоративтік-ақпараттық сайт;
Бұл сайт интранет түрінде кездеседі. Интранет — мекеме ішіндегі желілік байланыс арқылы ғана ашылатын сайт. Мәселен, компания ішінде, оқу орындарында студенттер тапсырма алу үшін, құжат алмасу, есеп, аналитика жүргізу, бағалау, өзара байланысу, тест тапсыру үшін, тапсырмаларын электронды түрде орындау және басқа да операцияларды орындау мақсатында қолданылатын сайт.
3. Корпоративтік-имидждік сайт;
Бұл визиттік сайтқа ұқсас. Тек, үнемі жаңарып отыратын компанияның жаңалықтар тізімі жарияланып отырады, қолданушылар тіркеліп, жазыла алады.
Мысалы, inspiremedia.kz Продюсерлік Орталығының сайты
4. Интернет-дүкен;
Бұл Сізге атауынан түсінікті деген ойдамын. Қызмет, тауар түрлерінің жарнамасы, сипаттамасы, суреттік, видеолық демонстрациясы қолданушыға таныстырылып, арнайы электронды ақша, төлем карточкалары арқылы сатып алу жүйесімен жабдықталған сайт.
Мысалы, technodom.kz сайты
5. Ақпараттық сайт;
Елімізде танымал жаңалық тарату сайттары мен телеарналардың ресми сайттарын жатқыза аламыз.
Мысалы, tengrinews.kz ақпараттық сайты
6. Ойын порталы;
Түрлі компьютерлік ойындар. Интернет арқылы Әлемнің түкпір-түкпірінен жиналып, ойын ойнауға болатын ареналар. Ол сайттарында түрлік топтарға қосылып, ойын барысында өз ақшаңызға виртуалды қару жарақ-сатып алуға болатын мүмкіндіктер де кездеседі.
Мысалы, tankionline.com сайты
7. Жеке жоба;
Қандай-да бір жобаны таныстыратын немесе, қандай-да бір жобаға қатысты түрлі тақырыптағы сайт. Мысалы, it-tirlik.kz жобасының сайты

8. Контент-жоба;
Бұл сайт ақпараттық сайттарға ұқсайды, тек бұл сайттың жеке журналисттері, сайтқа қызмет ететін арнайы адамдары болмағандықтан, түрлі сайттардан ақпарат көшіріп алып өздеріне орналастыр жариялайтын сайт. Көбіне, сайт оқырманын көбейту үшін, осы жол арқылы жарнама агенттерінің көзіне түсу үшін немесе басқа да себептермен жұмыс жасайтын сайттар.

9. Промо-сайт;
Қандай-да бір өнім, қызмет, акцияларды жылдам халыққа жеткізетін жарнамалық сайт.
Мысалы, нарықта жақсы нәтиже беріп келе жатқан KPS компаниясының сайты:
professionals.kz
10. Форум, сұрақ-жауап, чат;
Бұл типтегі сайттар, жылдам ақпарат алмасу мүмкіндігімен ерекшеленеді. Орта есеппен, жалпы форумда сағатына бірнеше жауап, сұрақ-жауап сайтында минутына бірнеше жауап, чатта секундына бірнеше жауаптар кетіп жатуы мүмкін.
Мысалы, сұрақ-жауап жайты: surak-zhauap.kz

11. Блог, блогплатформа;
Блог сайттар, көбінесе еркін тақырыптағы әуесқой журналисттер, арнайы мамандар мен қарапайым қолданушылар өз мақалалаларын жариялайтын сайт түрі. Бұлар жекелеген авторлардың блогы және бірнеше блогтың қосылуынан туындайтын блогплатформалардан тұрады. Мысалы, блог:
ertai.dosym.kz
Блогплатформа: kerekinfo.kz, aitaber.kz

Бүгінде осы сайт жасаудың кең таралған 4 түрін постқа жазып өтеміз:
1. Дайын сервис арқылы — ucoz, wix.com. Жаңадан бастаушылар жақсы вариант.
— Визиттік сайттар, интернет дүкен, промо сайттар, жеке жоба сайттарын жасауға болады. Бұндай жүйелер бастапқыда тегін, жетілген мүмкіндіктері ақылы түрде кездеседі. Мүмкіндіктері стандартты дайын шаблон.
2. Дайын жүйе арқылы — wordpess, Joomla!, DLE (тәжірибелі қолданушылар).
Бұндай дайын жүйелердің көмегімен, жоғарыдағы аталған сайт түрлерінің барлығын қысқа уақытта жасай аласыз. Бірақ, бұларға ұсынылған кейбір модуль, плагиндер ақылы болып келеді. Сонымен қатар, дайын жүйенің дизайнына, атқаратын операциялық мүмкіндіктеріне өзіңіз код жазып, жетілдіруге болады. Қанша дегенмен, сайт қаңқасы универсалды мәліметті ашық басқару жүйесімен жасалғандықтан, сайт ондаған мыңнан асатын қолданушылары бар ірі жобалар үшін әлсіз болып келеді.
Модуль/плагин — сайттың қандай-да бір нақты мүмкіндігін атқаратын бөлім программа. Мысалы, тіркелуді орындайтын, суреттерді слайд ететін, пікір жазатын редактор плагиндері деп кете береді.

3. Редактор арқылы — notepad++, VisualStudio, Sturm, Eclipse, Dreamweaver, Adobe Flash Professional (аздап веб-бағдарламалау тілінен хабары барлар).
Бұл әдіс арқылы да сіз барлық сайт түрлерін жасауға мүмкіндігіңіз бар. Жақсы жағы, сіздің жобаңыз ерекше бола алады, жоғарыдағыдай дайын кодтар жобаңызда аз қолданылады, есесіне сайт жасау үшін уақытыңыз көп жоғалады.
Бұндай сайт жасау түрін, көбіне 1 пункттегі сайттардың профессионалды жасау түріне жатқызсақ, дұрыс болар.
3. Фреймвортар арқылы — yii, kohana, .Net framework, django (профессионалдар).
Бұл екінші пункттегі сайт жасаудың профессионалды түрі. Ал, жасалу барысы, 3 пункттегі ерекшеліктерге ұқсас.

CMS, Framework жүйелер ірі жобалар үшін және шағын жобалар үшін және арнайы C#, PHP, Java, C++, Phyton т.б. тілдері үшін деп бөлінеді.

Сайт жасағанда, кемінде командада 2-3 адам болғаны дұрыс. Мысалы, жобаны клиентке таныстырып, маркетингтік стратегия құрып, оның жасалу барысын басқарып, қадағалаушы, программалаушы және дизайнер. Себебі, құрылысшы өз бетімен үйді салып кете алмайды, ол архитектордың көмегіне жүгінеді, сол сияқты.

Сайт дизайнының жасалу жолы көп. Қарапайымы, ақ параққа салынып жатса, одан кейін графикалық редакторлар арқылы салынады. Бұлар веб дизайнер деп аталады. Себебі, сайттарды терезесінің стандартты өлшемдері, элементтердің рұқсат етілген көлемдері мен форматтары және сайт элементтеріне тән өзінің қасиеттерін ескеріп, оны программалауға ыңғайлы етіп түсініп жасайтын адам қажет. Дизайнды көбінесе Photoshop бағдарламасы арқылы жасап, оны веб-парақ үшін конверттеп экспорттайды. Оған верстка жасайды (кешіріңіз, верстка — әр суретті тиісті жеріне кодтау арқылы орналастыру). Кейін, параққа CSS кодталып орналасқан суреттің әрекетін скрипттеп, әрекеттерінің қандай да бір операция орындап, дерек базасымен байланыс жасауын жасаушы — ол веб-программист.

Дайын өнімді жүргізетін, ақпарат, мақала қосумен айналысып, әлеуметтік желілерге жарнамалаушы — контент менеджер.

Сайттың нәтижесін бақылап, ксайтқа кіріп жүретін қолданушы санын, қай парақ көп оқылды, қолданушылар қай жерден көп кіреді, қандай ОЖ, браузер, қандай құрылғымен көп кіреді, бұларды зерттеуші — СЕО аналитик.

Сайттың техникалық мүмкіншілігін қадағалап, серверлік бақылауын жасау, ІТ қолдау жасаушылар — жүйелік әкімдер.

Біздің бүгінгі жазған мақаламыз, қарапайым универсалды базалық қана түсінік. Ірі және ұсақ жобаларға жалпылай кішкентай шолуымыз болған. Ендігі кезек, осы мақаладан аз да болса мағлұмат алып, өзіңіздің ісіңізді алып кетуге сәттілік тілегеннен басқа айтар жоқ, амиго.

Дереккөзі: like-minded.kz/blog/web1/5.html